រសៀលថ្ងៃអង្គារ​ ២រោច ខែភទ្របទ​ ឆ្នាំ​ម្សាញ់​ សប្តស័ក​ ព.ស.២៥៦៩ ត្រូវនឹងថ្ងៃទី៩ ខែកញ្ញា ឆ្នាំ២០២៥ សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា បានអញ្ជើញសួរសុខទុក្ខឯកឧត្តមកិត្តិនីតិកោសលបណ្ឌិត​ ប៉ែន​ បញ្ញា គណៈអធិបតី​កិត្តិយស​ រណសិរ្សសាមគ្គី អភិវឌ្ឍន៍មាតុភូមិកម្ពុជា និងជាទីប្រឹក្សាជាន់ខ្ពស់រដ្ឋសភាជាតិ ដល់គេហដ្ឋាន ស្ថិតនៅក្នុងខណ្ឌ​ច្បារអំពៅ រាជធានី​ភ្នំពេញ។

សម្តេចកិត្តិសង្គហបណ្ឌិត​ ក៏បានពាំនាំការផ្តាំផ្ញើនឹករលឹកពីសម្តេចតេជោ ប្រធាន​ព្រឹទ្ធសភា​ និងជាគណៈអធិបតីកិត្តិយសរណសិរ្ស​សាមគ្គី​ អភិវឌ្ឍន៍មាតុភូមិកម្ពុជា​ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចធិបតី ហ៊ុន​ ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាគណៈអធិបតីកិត្តិយស​ រណសិរ្ស​សាមគ្គី​ អភិវឌ្ឍន៍មាតុភូមិកម្ពុជា​ និងលោកជំទាវបណ្ឌិត​ ពេជ​ ចន្ទមុនី្ន ហ៊ុន​ម៉ាណែត ជូនឯកឧត្តម​កិត្តិនីតិកោសលបណ្ឌិត​ ប៉ែន​ បញ្ញា និងក្រុមគ្រួសារ។

ឯកឧត្តមកិត្តិនីតិកោសលបណ្ឌិតក៏មានប្រសាសន៍ថា ក្រុមគ្រួសារពិតជាមានសេចក្តីរំភើបរីករាយយ៉ាងខ្លាំង មិនអាចយកអ្វីមកប្រៀបផ្ទឹមបានឡើយ និងសូមសម្តែងនូវការដឹងគុណយ៉ាងជ្រាលជ្រៅចំពោះសម្តេចតេជោ ហ៊ុន សែន, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចធិបតី ហ៊ុន ម៉ាណែត, លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត និងសម្តេចកិត្តិសង្គហបណ្ឌិត ម៉ែន សំអន ព្រមទាំងថ្នាក់ដឹកនាំរណសិរ្សគ្រប់លំដាប់ថ្នាក់ ដែលបានអញ្ជើញមកសួរសុខទុក្ខដល់គេហដ្ឋាន និងគោរពជូនពរដល់សម្តេចកិត្តិសង្គហបណ្ឌិត និងថ្នាក់ដឹកនាំសូមទទួលបាននូវសុខភាពល្អ ជួបប្រទះតែនឹងពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕