ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈបានចុះអនុស្សរណៈជាមួយវេសឡាញអេឌ្យូខេសិនគ្រុបដើម្បីពង្រឹងកិច្ចសហប្រតិ បត្តិការវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ។

អនុស្សារណៈនេះត្រូវបានចុះហត្ថលេខាដោយ ឯ.ឧ ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងឧកញ៉ា ប៉ិច បូឡែន ប្រធានក្រុមប្រឹក្សាភិបាល និងជាអគ្គនាយក វេសឡាញ អេឌ្យូខេសិនគ្រុបនៅថ្ងៃទី១៩ ខែសីហា ឆ្នាំ២០២៤នេះនៅទីស្តីការក្រសួង។

ថ្លែងក្នុងពិធីចុះហត្ថលេខា ឯ.ឧរដ្ឋមន្ត្រីមានប្រសាសន៍ថាអនុស្សរណៈនេះនឹងសម្រេចបាននូវការបណ្តុះបណ្តាលចំណេះជំនាញដល់យុវជននិងពលរដ្ឋកម្ពុជាបន្ថែមទៀតក្រៅពីការបណ្តុះបណ្តាលក្រោមឱវាទរបស់ក្រសួងដើម្បីអាចឱ្យពលរដ្ឋចាប់យកឱកាសការងារដ៏សម្បូរបែបក្នុងទីផ្សារសម្រាប់ពង្រឹងជីវភាពឱ្យកាន់តែប្រសើរ៕