ក្នុងពិធីនាថ្ងៃ​ទី​​២៤ ខែកក្កដា ឆ្នាំ​២០២៤​ នៅក្រសួងរៀបចំដែនដីនគរូបនីយកម្មនិងសំណង់នេះផងដែរ​ លោកជំទាវរដ្ឋលេខាធិការ សេង សុមេត្តា មានប្រសាសន៍ថា កម្ពុជា និងសាធារណរដ្ឋកូរ៉េ មានទំនាក់ទំនងការទូតជាមួយគ្នាជាយូរអង្វែងណាស់មកហើយ និងបានបង្កើតទំនាក់ទំនងការទូតផ្លូវការឡើងវិញ តាំងពីថ្ងៃទី៣០ ខែតុលា ឆ្នាំ១៩៩៧ ពោលគឺជាង ២៦ឆ្នាំហើយ។ រយៈពេលជាង ២៦ឆ្នាំមកនេះ ប្រទេសទាំងពីរ បានបោះជំហានជាវិជ្ជមានក្នុងការពង្រឹងនិងពង្រីកទំនាក់ទំនង និងកិច្ចសហប្រតិបត្តិការលើគ្រប់វិស័យ និងបានផ្ដល់នូវផ្លែផ្កាជាច្រើនសម្រាប់ប្រជាជាតិទាំងពីរ ហើយពិធីតាំងពិព័រណ៍នេះ មិនត្រឹមតែជាការដាក់តាំងបង្ហាញសិល្បៈគំនូរប៉ុណ្ណោះទេ តែវាក៏ជាសក្ខីកម្មនៃមិត្តភាពដ៏គង់វង្សរវាងប្រទេសទាំងពីរផងដែរ។
#ករ៉េ​ #កមពុជា​ #ពព័រណ៍​
#កអក​ #ករសួងរៀបចំដែនដីនគរូបនីយកម្មនិងសំណង់