នៅថ្ងៃទី១៧ ខែមីនា ឆ្នាំ២០២៥ វេលាម៉ោងប្រហែល១៩:៣៥នាទី កម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានធ្វើការស្រាវជ្រាវឃាត់ខ្លួនជនសង្ស័យ០២នាក់ពីបទលួច (លួចម៉ូតូ០១គ្រឿងម៉ាក SUZUKI NEX )  ស្រាវជ្រាវឃាត់ខ្លួនជនសង្ស័យឈ្មោះ តាំង ឃុនលី នៅចំណុចផ្លូវលេខ២៧១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ  និងបន្តស្រាវជ្រាវឃាត់ខ្លួនជនសង្ស័យម្នាក់ទៀត ឈ្មោះ រស់ ឌីម៉ង់ នៅចំណុចបូរីកំបូល៣ ផ្ទះលេខ១៤ ផ្លូវលេខ០៥B ស្រុកអង្គស្នួល ខេត្តកណ្តាល នៅថ្ងៃទី១៧ ខែមីនា ឆ្នាំ២០២៥ វេលាម៉ោងប្រហែល ២៣:០៥នាទីយប់ ដែលនិងប្រព្រឹត្តបទល្មើសនៅចំណុចមុខផ្ទះលេខ៩០៦ ផ្លូវលេខ១២៨ ក្រុមទី១៩ ភូមិ០៥ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ កាលពីថ្ងៃទី១០ ខែមីនា ឆ្នាំ២០២៥ វេលាម៉ោងប្រហែល២៣:៥២នាទីយប់។
   *ជនសង្ស័យ:
-ទី១ ឈ្មោះ តាំង ឃុនលី ហៅ អាតឿ ភេទប្រុស អាយុ២៣ឆ្នាំ ជនជាតិខ្មែរ មុខរបរ និងស្នាក់នៅមិនពិតប្រាកដ ។ (អ្នកធ្វើសកម្មភាពលួច) មានសារធាតុញៀន។
-ទី២ ឈ្មោះ រស់ ឌីម៉ង់ ហៅស្រួច ភេទប្រុស អាយុ៣២ឆ្នាំ ជនជាតិខ្មែរ មុខរបរ មិនពិតប្រាកដ និងស្នាក់នៅបន្ទប់ជួលគ្មានលេខ ផ្លូវបេតុង សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ( មានសារធាតុញៀន)។
  *សម្ភារ:ចាប់យក៖
-ម៉ូតូ០២គ្រឿងម៉ាក SUZUKI NEX ពណ៌ទឹកប្រាក់ ពាក់ផ្លាកលេខ ភ្នំពេញ 1HT-1569 ដែលមានលេខតួ និងម៉ាស៊ីនលេខ 350165 ជារបស់ជនរងគ្រោះ និងម៉ាកHonda C125 ពណ៌ខ្មៅពាក់ផ្លាកលេខ ព្រៃវែង 1Y-9863 ដែលមានលេខតួ និងម៉ាស៊ីនលេខ 6333699 (ចាប់យកពីឈ្មោះ រស់ ឌីម៉ង់ ហៅស្រួច)។
   *ជនរងគ្រោះ:
-ឈ្មោះ សុខ ធា ភេទប្រុស អាយុ២១ឆ្នាំ ជនជាតិខ្មែរ មុខរបរ ចុងភៅហាង ស្នាក់នៅបន្ទប់ជួល នៃផ្ទះលេខ៩០៦ ផ្លូវលេខ១២៨ សង្កាត់ទឹកល្អក់ទី១ ខណ្ឌទួលគោក ។
     -បច្ចុប្បន្ន៖ ជនសង្ស័យទាំង០២នាក់ខាងលើ កំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីសាកសួរ និងចាត់ការបន្តតាមនីតិវិធី។