នៅព្រឹកព្រហស្បតិ៍ ថ្ងៃទី ២០ ខែមីនា ឆ្នាំ២០២៥ នេះ ឯកឧត្ដម អ៊ូច ភា រដ្ឋលេខាធិការក្រសួងមហាផ្ទៃ បានអញ្ជើញដឹកនាំកិច្ចប្រជុំត្រួតពិនិត្យ និងជំរុញការអនុវត្តគោលនយោបាយ «ភូមិ-ឃុំ-សង្កាត់មានសុវត្ថិភាព» ស្ថិតក្នុងសមត្ថកិច្ចក្រសួងមហាផ្ទៃ នៅសាលប្រជុំក្រុមប្រឹក្សាខេត្តសាលាខេត្តពោធិ៍សាត់។ ក្នុងកិច្ចប្រជុំនេះមានការអញ្ជើញចូលរួម ឯកឧត្ដម ម៉ៅ សាន្ត សមាជិកក្រុមប្រឹក្សាខេត្តតំណាងឯកឧត្ដមប្រធានក្រុមប្រឹក្សាខេត្ត ឯកឧត្ដម ពៅ ពិសិដ្ឋ អភិបាលរងទទួលបន្ទុកលេខាធិការដ្ឋាន "ភូមិ-ឃុំ-សង្កាត់មានសុវត្ថិភាព" តំណាងឯកឧត្ដមអភិបាលខេត្ត លោកនាយករងរដ្ឋបាលសាលាខេត្ត លោកស្នងការ លោកស្នងការរងនគរបាលខេត្ត លោកមេបញ្ជាការ កងពលតូចអន្តរាគមន៍លេខ១៤ លោកមេបញ្ជាការរងកងរាជអាវុធខេត្ត លោកប្រធានពន្ធនាគារខេត្ត លោកប្រធានមណ្ឌលអប់រំកែប្រែទី៤ លោកមេបញ្ជាការវរសេនាតូចនគរបាលការពារព្រំដែនគោកលេខ៨២៥ លោកមេបញ្ជាការវរសេនាតូចលេខ១ លោកមេបញ្ជាការវរសេនាតូចព្រំដែនលេខ ៥០១ លោកប្រធានក្រុមការងារទំនាក់ទំនងច្រកស្ពានជ័យជម្នះ លោកប្រធាន ស្នាក់ការខេត្តពោធិ៍សាត់ ក២ កជគ លោកប្រធានស្នាក់ការប្រឆាំងចារកម្មខេត្ត លោកនាយកក្រុមប្រតិបត្តិការខេត្ត លោកប្រធានមន្ទីរអង្គភាពពាក់ព័ន្ធ ជុំវិញខេត្ត លោកប្រធានមន្ទីរអប់រំយុវជននិងកីឡាខេត្ត លោកអភិបាលក្រុង-ស្រុក លោកអធិការនគរបាលក្រុង-ស្រុក លោកមេបញ្ជាការកងរាជអាវុធហត្ថក្រុង-ស្រុក លោក លោកស្រី ប្រធានការិយាល័យច្រកចេញចូលតែមួយក្រុង-ស្រុក និងអ្នកពាក់ព័ន្ធសរុបចំនួន ៧៤នាក់ ស្ត្រីចំនួន០៩នាក់៕