ដើម្បីចូលរួមអបអរសាទរខួបលើកទី១៤៤ ទិវាអន្តរជាតិនារី៨មីនា ឆ្នាំ២០២៥ ក្រោមប្រធានបទ«សិទ្ធិសមភាព និងភាពអង់អាចចំពោះស្រ្តី និងក្មេងស្រីគ្រប់រូប» នៅព្រឹកថ្ងៃទី០២ ខែមីនា ឆ្នាំ២០២៥ សមាគមនារីកម្ពុជា ដើម្បីសន្តិភាព និងអភិវឌ្ឍន៍ ខេត្តរតនគិរី ដឹកនាំដោយ លោកជំទាវ ឃឹម សុខឃាង ញ៉ែម សំអឿន អនុប្រធានកិត្តិយស សមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្ត និងលោកជំទាវ ញាន ទិត្យចិន្ដា អភិបាលរងខេត្ត និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ ខេត្តរតនគិរី បានអញ្ជើញចុះជួបសំណេះសំណាល សួរសុខទុក្ខ និងចែកអំណោយជា គ្រឿងឧបភោគ បរិភោគ ថវិកា និងសម្ភារមួយចំនួនជូនស្រ្ដីជាទណ្ឌិត នៅក្នុងពន្ធនាគារខេត្តរតនគិរី ក្នុងឱកាសអបអរសាទរខួបលើកទី១១៤ ទិវាអន្ដរជាតិនារី ៨មីនា ឆ្នាំ២០២៥នៅពន្ធនាគារខេត្ត ស្ថិតក្នុងសង្កាត់ឡាបានសៀក ក្រុងបានលុង។

មានប្រសាសន៍ សំណេះសំណាល នាឱកាសនេះ លោកជំទាវ ឃឹម សុខឃាង ញ៉ែម សំអឿនបានលើកឡើងពី ការយកចិត្តទុកដាក់របស់រាជរដ្ឋាភិបាល ចំពោះសុខទុក្ខ របស់ បងប្អូនជាទណ្ឌិត ឬពិរុទ្ធជន។លោកជំទាវថ្លែងថា ថ្វីត្បិតបងប្អូន ជាប់ឃុំ ឃាំងតែភាពជាមនុស្ស និងសេចក្តីថ្លៃថ្នូរ ក្នុងការរស់នៅដោយសមរម្យ គឺបងប្អូន នៅមាន។ សង្គមទាំងមូលមិនបោះបង់ប្អូនចោលឡើយ។ លោកជំទាវបានធ្វើការអប់រំណែនាំ ដល់បងប្អូនជាទណ្ឌិត និងពិរុទ្ធជនជា ស្ត្រីត្រូវខិតខំកសាងខ្លួន ធ្វើអំពើល្អ និងត្រូវចេះយកអាសាគ្នាទៅវិញទៅមកពេលមានការលំបាកផ្សេងៗ ។ ជាពិសេសពេលចេញ ពីពន្ធនាគារមាន សិទ្ធិសេរីភាពវិញ ត្រូវធ្វើជាមនុស្សល្អ ដើម្បីរួមរស់ជាមួយសហគមន៍ប្រកបដោយភាពសុខដុមរមនា ។

នៅក្នុងឱកាសនេះដែរ លោកជំទាវ ឃឹម សុខឃាង ញ៉ែម សំអឿន អនុប្រធានកិត្តិយស សមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តរតនគិរី បាននាំយកអំណោយរបស់សាលាខេត្ត រួមមាន៖

-អង្ករ២តោន និងថវិកា២លានរៀល ជូនដល់ពន្ធនាគារខេត្ត។

-សម្ភារៈផ្ទាល់របស់ លោកជំទាវ សារ៉ុងចំនួន៣១ ជូនដល់ស្រ្តីជាទណ្ឌិត៣១នាក់ក្នុងម្នាក់សារ៉ុង១។ 

-សម្ភារៈរបស់សមាគមនារីរខេត្ត  ជូនដល់ស្ត្រីជាទណ្ឌិត ចំនួន៣១នាក់ជាទឹកផ្លែឈើនាក់១៥កេស. ថវិកាម្នាក់ៗចំនួន៤មុឺនរៀលក្រម៉ាម្នាក់០១. សាប៊ូក្រអូបចំនួន១ដុំ. សាប៊ូ ម្សៅ១កញ្ចប់. សំឡី២ដុំ. នំប៉័ងប៉ាតេ ១កំណាត់និងទឹកសុទ្ធ១ដប និជូនពន្ធធានាគារទឹកផ្លែឈើ០៥កេស។

-សម្ភារៈរបស់មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត សម្រាប់ផ្តល់ជូនក្មេងស្រីដែលជាអនីតិជនទំនាស់និងច្បាប់ចំនួន៥នាក់រួមមាន ក្រម៉ាពោះគោ ចំនួន៥. ថ្នាំដុសធ្មេញ ចំនួន៥. ច្រាសដុសធ្មេញចំនួន៥. សាប៊ូដុសខ្លួនចំនួន៥. សារុងចំនួន៥ និងជូនជូនកុមារីដែលតាមម្តាយចំនួន១នាកសម្លៀកបំពាក់២កំផ្លេរ. ស្បែកជើង១គូរ. តុក្កតាកូនក្រមុំ១. ទឹកដោះគោក្រហម ២ឡូផងដែរ៕