ដោយមានការយកចិត្តទុកដាក់ពីសំណាក់ ឯកឧត្តម ញ៉ែម សំអឿន ប្រធានគណៈកម្មាធិការសាខាកាកបាទក្រហមកម្ពុជា ខេត្តរតនគិរី នារសៀលថ្ងៃទី ២៥ ខែ កុម្ភៈ ឆ្នាំ២០២៥ នេះ ឯកឧត្តម បានចាត់តាំងឲ្យក្រុមការងារអនុសាខាកាកបាទក្រហមកម្ពុជា ស្រុកអណ្តូងមាស ដឹកនាំដោយ លោក មាស សារ៉េត ប្រធានគណៈកម្មាធិការអនុសាខាស្រុក និងមានការចូលរួមពី លោក លោកស្រី សមាជិក សមាជិកាគណៈកម្មាធិការអនុសាខា និងក្រុមការងារកាកបាទក្រហមឃុំញ៉ាង  ចុះសួរសុខទុក្ខ និងនាំយកអំណោយមនុស្សធម៌ ចុះសួរសុខទុក្ខដល់គ្រួសាប្រជាពលរដ្ឋដែលរងគ្រោះដោយអគ្គិភ័យ ចំនួន ២ គ្រួសារ កាលពីថ្ងៃទី ២៣ ខែកុម្ភៈ ឆ្នាំ២០២៥ វេលាម៉ោង៥.១០នាទីព្រឹក នៅភូមិតាំសេរ ឃុំញ៉ាង ស្រុកអណ្តូងមាស ខេត្តរតនគិរី។

ឆ្លៀតក្នុងឱកាសនោះដែរ លោក មាស សារ៉េត ប្រធានគណៈកម្មាធិការអនុសាខា បានពាំនាំនូវប្រសាសន៍ផ្ដាំផ្ញើសាកសួរសុខទុក្ខ និងការចូលរួមរំលែកទុក្ខ ពីសំណាក់ ឯកឧត្តម ញ៉ែម សំអឿន ប្រធានគណៈកម្មាធិការសាខា ជាពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល សម្ដេច តែងតែគិតគូរពីសុខទុក្ខបងប្អូនប្រជាពលរដ្ឋក្រីក្រ ដែលមានទុក្ខលំបាក ជនងាយរងគ្រោះ និងជនរងគ្រោះដោយគ្រោះមហន្តរាយផ្សេងៗ ដោយមិនប្រកាន់រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ។ 

អំណោយមនុស្សធម៌ដែលបានប្រគល់ជូនរួមមាន៖

-សាខាកាកបាទក្រហមខេត្តរតនគិរីៈ អង្ករ ២៥គីឡូក្រាម មី ១កេស ត្រីខ ១យួរ ទឹកស៊ីអៀវ ១យួរ  ឃីត(មុង១ ភួយ១ សារុង១ ក្រមា១) កៅស៊ូតង់ ១ កន្ទេល១ ឆ្នាំងបាយ១ ឆ្នាំងសម្ល១ ចានបាយ១០ ចានសម្ល១០ និងស្លាបព្រា១០ ថវិកា ១០ ម៉ឺនរៀល ក្នុង១គ្រួសារ

-អនុសាខាស្រុកអណ្តូងមាសៈ អង្ករ ១ បេ ទឹកត្រី ១យួរ ទឹកស៊ីអ៊ីវ ១យួរ ត្រីខ ១យួរ និងថវិកា ៤០ ម៉ឺនរៀល ក្នុង១គ្រួសារ៕ 

រូបភាព-អត្ថបទកាកបាទក្រហមខេត្ត