ខេត្តឧត្ដរមានជ័យ៖ នាព្រឹកថ្ងៃសៅរ៍ ទី២៩ ខែវិច្ឆិកា ឆ្នាំ២០២៥ លោកឧត្ដមសេនីយ៍ទោ ខូវ លី ស្នងការ នៃស្នងការដ្ឋាននគរបាលខេត្ដឧត្ដរមានជ័យ បានអញ្ជើញចូលរួមនិងចាត់កម្លាំងនគរបាលការពារថ្នាក់ដឹកនាំជាន់ខ្ពស់ ក្នុងកម្មវិធីចុះសួរសុខទុក្ខ យុទ្ធជនសមរភូមិមុខ និងប្រជាពលរដ្ឋភៀសសឹក ក្រោមអធិបតីភាព ឯកឧត្ដម អ៊ុច បូររិទ្ធ អនុប្រធានទី១ព្រឹទ្ធសភា តំណាងដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា នៅភូមិតាមាន់សែនជ័យ ឃុំគោកមន ស្រុកបន្ទាយអំពិល ខេត្ដឧត្ដរមានជ័យ ដោយមានការអញ្ជើញចូលរួមពី ឯកឧត្ដម លោកជំទាវ ប្រធាន អនុប្រធាន លេខាធិការ សមាជិក សមាជិកា ក្រុមសមាជិកព្រឹទ្ធសភាប្រចាំភូមិភាគ៤ជាច្រេីនរូប។

ទន្ទឹមនេះដែរ ឯកឧត្ដម អ៊ុច បូររិទ្ធ អនុប្រធានព្រឹទ្ធសភាទី១ ក៏បាននាំយកអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានិងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ប្រគល់ជូនយុទ្ធជនសមរភូមិមុខ និងប្រជាពលរដ្ឋភៀសសឹកផងដែរ។ 

ប្រភព៖ ស្នងការដ្ឋាននគរបាលខេត្តឧត្តរមានជ័យ